லண்டன் தீ விபத்து: மேலும் எவரும் உயிர்பிழைத்திருக்க வாய்ப்பில்லை!

அதிசய உலகம்

So funny!!

மேலும்..

மேற்கு லண்டன் கிரென்ஃபெல் டவர் அடுக்குமாடி கட்டட தீ விபத்தில் உயிரிழந்த அனைவரையும் அடையாளம் காணமுடியாது என பொலிஸார் தெரிவித்துள்ளனர். தீயில் எரிந்து நாசமாகியுள்ள கட்டடத்திற்குள் இன்று மூன்றாவது நாளாகவும் தேடுதல் பணிகள் முன்னெடுக்கப்படுவதாக தெரிவிக்கப்படுகின்றது.

அதேவேளை அடுக்குமாடி கட்டடத்திற்குள் மேலும் எவரும் சிக்கியிருப்பின் அவர்கள் உயிர்பிழைத்திருக்க வாய்ப்பு இல்லை என தீயணைப்பு படைப்பிரிவின் அதிகாரிகள் தெரிவிக்கின்றனர்.

கட்டடத்தின் அனைத்து மாடிகளிலும் மேலெழுந்தவாரியாக தேடுதல் நடவடிக்கை முன்னெடுக்கப்பட்டுள்ளதாகவும் பாரிய தீவிபத்தினால் ஏற்பட்டுள்ள சேதங்கள் மற்றும் சிதைவுகளால் தேடுதல் பணிகளை முன்னெடுப்பதில் சிரமங்கள் ஏற்பட்டுள்ளதாகவும் தீயணைப்புப் படைப்பிரிவின் ஆணையாளர் தெரிவித்துள்ளார்.

மேலும், கட்டடங்களுக்குள் எவரேனும் சிக்கியிருந்தாலும் அவர்கள் உயிர்பிழைத்திருப்பதற்கான வாய்ப்புக்கள் குறைவாகவே இருப்பதாகவும் அவர் குடிப்பிட்டுள்ளார்.

கடந்த புதன்கிழமை அதிகாலை ஏற்பட்ட மேற்படி அனர்த்தத்தில் 17 பேர் உயிரிழந்திருப்பதாக இதுவரை உறுதிப்படுத்தப்பட்டுள்ளது. எனினும் தீ விபத்தை தொடர்ந்து கட்டடத்தில் குடியிருந்தவர்களில் பலர் காணாமல் போயுள்ளதாக கூறப்படுகின்ற நிலையில் உயிரிழப்பு எண்ணிக்கை அதிகரிக்கலாம் என தெரிவிக்கப்படுகின்றது.

இதன்காரணமாக மேற்படி அனர்த்தத்தில் நூற்றுக்கணக்கானோர் உயிரிழந்திருக்கலாம் என அஞ்சப்படுகின்றது.

கருத்துக்களேதுமில்லை

உங்கள் கருத்தை சொல்லுங்கள்