தேசிய தேர்தல் ஆணையம் எதிர்வரும் 23ஆம் திகதி விசேட கூட்டத்தை முன்னெடுக்கிறது

August 19th, 2022 அன்று பிரசுரிக்கப்பட்டது.

பாராளுமன்றத்தில் பிரதிநிதித்துவம் இல்லாத அரசியல் கட்சிகள் மற்றும் தேர்தல் கண்காணிப்பாளர்களுடன் எதிர்வரும் 23ஆம் திகதி விசேட கூட்டம் நடத்தப்படும் என தேசிய தேர்தல் ஆணையம் தெரிவித்துள்ளது.

இக்கூட்டத்தில் 55 அரசியல் கட்சிகளின் பிரதிநிதிகள் கலந்து கொள்வார்கள் என எதிர்பார்க்கப்படுகிறது என தேசிய தேர்தல் ஆணையகத்தின் தலைவர் நிமல் ஜி புஞ்சிஹேவா தெரிவித்துள்ளார்.

பாராளுமன்றத்தில் பிரதிநிதித்துவம் இல்லாத அரசியல் கட்சிகள் மற்றும் தேர்தல் கண்காணிப்பாளர்களுடனான சந்திப்பின் போது, தேர்தல் சீர்திருத்தங்கள் தொடர்பான முன்மொழிவுகளை அமுல்படுத்துவது தொடர்பில் கலந்துரையாடப்படவுள்ளது.

தேர்தல் சட்டங்கள் மற்றும் தேர்தல் முறைமையின் பொருத்தமான சீர்திருத்தங்களை அடையாளம் காண்பதற்காக பாராளுமன்றத்தின் தெரிவுக்குழுவின் முன்மொழிவுகள் குறித்து பாராளுமன்றத்தில் பிரதிநிதித்துவப்படுத்தும் அனைத்து அரசியல் கட்சிகளுடனும் தேசிய தேர்தல் ஆணையம் முன்னர் கலந்துரையாடல்களை முன்னெடுத்திருந்தது.