திரிபோஷா நிறுவனத்திடமிருந்து ஓர் அறிவிப்பு

September 24th, 2022 அன்று பிரசுரிக்கப்பட்டது.

நிர்ணயிக்கப்பட்ட நியமங்களுக்கு அமைய உற்பத்தி செய்யப்படும் திரிபோஷா சுகாதார வைத்திய அதிகாரிகளின் அலுவலகங்களுக்கு தொடர்ச்சியாக விநியோகிக்கப்படும் என சிலோன் திரிபோஷ நிறுவனம் தெரிவித்துள்ளது.

அந்தத் தயாரிப்புகளுடன், திரிபோஷ உற்பத்திக்காகப் பயன்படுத்தப்படும் சோளக் கையிருப்பிலுள்ள அஃப்லாடொக்சின் சதவீதம் குறித்த அறிக்கையும் அனுப்பி வைக்கப்படும் என்று அதன் தலைவர் தீப்தி குலரத்ன தெரிவித்தார்.

எனினும், சுகாதார அமைச்சின் பரிந்துரைக்கப்பட்ட சதவீதங்களின்படி, தற்போதைய சூழ்நிலையில் திரிபோஷா உற்பத்திக்கான சோளத்தைக் கண்டுபிடிப்பதில் சிரமம் இருப்பதாக அவர் கூறினார்.

இதற்கிடையில், திரிபோஷா கையிருப்பில் அஃப்லாடொக்சின் சதவீதம் உரிய அளவை விட அதிகமாக இருப்பதாக வெளியான தகவல் தொடர்பாக சுகாதார அமைச்சு தலைமையிலான விசாரணை இன்னும் தொடர்கிறது.