காடுகளைப் பாதுகாப்பதை விடுத்து மக்களின் காணியை காடுகளாக்கி அபகரிக்கின்றனர்-அங்கஜன் எம்.பி குற்றச்சாட்டு.

வட மாகாணத்தை சுற்றுலா தலமாக அபிவிருத்தி செய்வதற்கான சாத்தியக்கூறுகள் பல உள்ளன. கடற்கரைகள், தொல்பொருள் இடங்கள், அரியவகை தாவரங்கள் மற்றும் விலங்கினங்கள் என்பவற்றோடு பல சுற்றுலா இடங்களும் உள்ளன. வட மாகாணத்திற்கு விஜயம் செய்யும் சுற்றுலாப் பயணிகளுக்குக் கிடைக்கும் அனுபவம் ஏனைய மாகாணங்களை விட வித்தியாசமானது.

எனவே எமது பிரதேச சுற்றுலாத்துறையை மேம்படுத்த நான் சில கோரிக்கைகளை இச்சபையில் முன்வைக்கிறேன்.

1. சுற்றுலாத்துறையை மேம்படுத்த, பயிற்சி பெற்றவர்கள் இருக்க வேண்டும். யாழ்ப்பாணத்தில் ஒரு ஹோட்டல் பாடசாலை உள்ளது, ஆனால் அது ஒரு நோக்கத்திற்காக கட்டப்பட்டதாக இல்லை. அது ஒரு வாடகை கட்டிடத்தில் உள்ளதோடு சில பாடப்பிரிவுகளை மட்டுமே கொண்டுள்ளது. வடமாகாண மக்களும் ஹோட்டல் துறையில் பயிற்சி பெற்று வேலைவாய்ப்பைப் பெற விரும்புகிறார்கள். கொழும்பில் அல்லது கண்டியில் உள்ள பாடசாலைகளைப் போன்று வடமாகாணத்திலும் ஒரு நோக்கத்துடன் கூடிய ஹோட்டல் பாடசாலையை அரசாங்கம் உருவாக்க வேண்டும் என்பதே எமது அன்பான வேண்டுகோள்.

2. பலாலியில் உள்ள யாழ் சர்வதேச விமான நிலையம் தொடர்பில் பல பேச்சுக்கள் இடம்பெற்ற போதிலும், செயற்பாடுகளை ஆரம்பிப்பதில் தாமதம் ஏற்பட்டுள்ளது. இந்தியா எங்களின் முதன்மையான சுற்றுலாப் பயணிகளை உருவாக்கும் நாடு. யாழ்ப்பாணம் சர்வதேச விமான நிலையத்தின் ஆரம்பம் இலங்கையின் சுற்றுலாத்துறையை மேம்படுத்தும். இது முழு நாட்டிற்கும் சுற்றுலாசார் பயனை வழங்கும்.

3. கடந்த காலங்களில் ராமேஸ்வரம் மற்றும் தலைமன்னார் இடையே படகு சேவை இடம்பெற்றது. இந்தியாவில் இருந்து இலங்கைக்கு கிடைக்கம் சுற்றுலா வருமானத்தை மேம்படுத்த, சம்பந்தப்பட்ட அதிகாரிகளிடம் பேசி, குறித்த படகு சேவையை மீண்டும் தொடங்க வேண்டும்.

4. வனவிலங்குசார் சுற்றுலாவை மேம்படுத்த இலங்கை தற்போது ஆர்வமாக உள்ளது. காட்டு யானை மற்றும் சிறுத்தைகளை காணக்கூடிய பல இடங்கள் இலங்கையில் உள்ளன. அதேநேரம் இலங்கையில் காட்டு குதிரைகள் இருக்கும் ஒரே இடம் யாழ்ப்பாணத்தின் நெடுந்தீவாகும். ஆகவே அதற்குரிய திட்டமொன்றை வகுத்து, காட்டு குதிரைகளை தரிசிப்பதற்கான இடமாக நெடுந்தீவை மேம்படுத்துமாறு கேட்டுக்கொள்கிறேன்.

5. இலங்கையில் பல பகுதிகளில் சுற்றுலா விடுதிகள் உள்ளன. உதாரணமாக, பென்தோட்ட, பாசிகுடா மற்றும் யால பகுதிகளை குறிப்பிடலாம். கற்பிட்டியில் இத்தகைய விடுதியொன்று அமைக்கப்பட உள்ளது. ஆகவே வடமாகாண சுற்றுலாத்துறையின் அபிவிருத்திக்காக நாட்டின் ஏனைய பகுதிகளில் உள்ள உல்லாச விடுதிகளைப் போன்று சுற்றுலா விடுதிகளை அமைக்குமாறும் கேட்டுக்கொள்கின்றேன்.

6. ராமர் சேது பாலத்தை பார்வையிடுவதற்காக இந்திய அரசு ராமேஸ்வரத்தில் ஒரு கோபுரத்தை கட்டியுள்ளது. அது ஏராளமான சுற்றுலா பயணிகளை கவர்ந்துவரும் ஒரு சுற்றுலாத்தலமாக மாறுகிறது. இந்த ராமர் சேது பாலத்தின் மறுமுனை தலைமன்னாரில் உள்ளது. ராமர் – சேது பாலத்தை மட்டுமின்றி தென்னிந்தியாவின் தென் முனையையும் பார்வையிடுவதற்கு தலைமன்னாரில் ஒரு கோபுரம் தேவையாகும். இது இலங்கையின் உள்நாட்டு சுற்றுலாவை பெரிதளவில் மேம்படுத்தும்.

7. இலங்கையைச் சுற்றியுள்ள தீவுகளை அபிவிருத்தி செய்ய அரசாங்கத்திடம் திட்டங்கள் உள்ளன.
வடமாகாணத்தை பொறுத்தவரையில் குறிகட்டுவான் படகு துறைமுகத்தை அபிவிருத்தி செய்ய வேண்டியது அவசியமாகும். இதனை சர்வதேச தரத்திற்கு மேம்படுத்தினால், அருகிலுள்ள தீவுகளுக்கு படகு சேவைகளை இயக்க தனியார் துறையைச் சேர்ந்தவர்கள் ஆர்வத்துடன் முன்வருவார்கள். அவுஸ்திரேலியாவில் உள்ள படகுத் துறைமுகங்களைப் போல குறிகட்டுவான் படகுத்துறைமுகமும் சுற்றுலாபயணிகளின் வரவேற்பை பெறும்.

ஆகவே எங்கள் பிரதேசத்தில் உள்ள சுற்றுலாத்துறை வளங்களை சரியாக பயன்படுத்தினால் நாட்டுக்கும் வடமாகாணத்துக்கும் சிறந்த வருமானத்தை உருவாக்க முடியும் எனத் தெரிவித்தார்.

அவரது உரையைத் தொடர்ந்து உரையாற்றிய சுற்றுலாத்துறை மற்றும் காணி அமைச்சர் கௌரவ ஹரின் பெர்னான்டோ அவர்கள்,
வடக்கின் சுற்றுலாத்துறையை மேம்படுத்த வேண்டும் என்ற உங்கள் கோரிக்கை சரியானது. இதற்கான குழுவொன்றை நாம் இலங்கை சுற்றுலா அபிவிருத்தி அதிகார சபையுடன் ஆரம்பிக்கவுள்ளோம். அதில் பங்கெடுக்குமாறு உங்களை அழைக்கிறேன், என்றார்.

மேலும், பலாலி சர்வதேச விமானநிலையத்தில் எதிர்வரும் 12ம் திகதி தொடக்கம் விமான சேவைகள் ஆரம்பமாகும் என்ற செய்தியையும் அமைச்சர் பாராளுமன்றத்தில் குறிப்பிட்டார்.

அமைச்சரை தொடர்ந்து கருத்துரைத்த அங்கஜன் இராமநாதன், எமது பிரதேசத்தின் சுற்றுலாத்துறையின் அபிவிருத்தி பணிகளில் அமைச்சர் காட்டிவரும் முற்போக்கான செயற்பாடுகளுக்கு நன்றி தெரிவித்ததோடு, வடக்கின் சுற்றுலா அபிவிருத்தியில் தனது பங்களிப்பு நிச்சயமாக இருக்கும் என மேலும் அவர் தெரிவித்திருந்தார்.