கடலுக்கு அடியிலான Sea Me We 6 திட்டத்திலிருந்து இரண்டு சீன நிறுவனங்கள் விலகல்

அமெரிக்காவுடனான பதற்றம் அதிகரித்து வருவதால், இலங்கை உட்பட்ட நாடுகளை இணைக்கும் கடலுக்கு அடியிலான Sea Me We 6 திட்டத்தில் இருந்து இரண்டு சீன நிறுவனங்கள் விலகியுள்ளன.

சைனா மொபைல் மற்றும் சைனா டெலிகொம் ஆகியவையே இந்தத் திட்டத்தில் வெளியேறியுள்ளதாக தெரிவிக்கப்பட்டுள்ளது.

ஆசியா-மத்திய கிழக்கு-மேற்கு ஐரோப்பா நீர்மூழ்கிக் கப்பல் கேபிள் திட்டத்தில் இருந்தே இந்த இரண்டு சீன நிறுவனங்களும் தங்கள் ஈடுபாட்டை விலக்கிக் கொண்டதாகக் கூறப்படுகிறது.

தி பைனான்சியல் டைம்ஸின் கூற்றுப்படி, சீனா மொபைல் மற்றும் சைனா டெலிகொம் ஆகியவை அமெரிக்காவுடன் அதிகரித்து வரும் புவிசார் அரசியல் பதற்றங்களுக்கு மத்தியில் கடந்த ஆண்டு திட்டத்திலிருந்து வெளியேறியுள்ளன.

19,200 கிலோ மீற்றர் கேபிள் திட்டம் கடந்த ஆண்டு முதன்முதலில் அறிவிக்கப்பட்டது. இது சிங்கப்பூர், பிரான்ஸ், இத்தாலி, கிரீஸ், எகிப்து, சவுதி அரேபியா, ஜிபூட்டி, பாகிஸ்தான், இந்தியா, மாலைத்தீவுகள், இலங்கை, பங்களாதேஷ் மற்றும் மலேசியாவை இணைக்கும் வகையில் அமைக்கப்படுகிறது.

இந்தத் துறையில் சீனாவின் மிகப்பெரிய ஃபைபர் கேபிள் வழங்குநரான ஹெங்டாங் மரைனை விட, அமெரிக்க நிறுவனமான சப்கொம்முக்கு கேபிளை உருவாக்குவதற்கான ஒப்பந்தத்தை வழங்கப்பட்டமையே, சீன நிறுவனங்களின் விலகலுக்கான காரணம் என்று கூறப்படுகிறது.

இதேவேளை, 2021ஆம் ஆண்டில் சீன நிறுவனங்கள் பாதுகாப்பு அச்சுறுத்தலை ஏற்படுத்துவதாக அமெரிக்க அரசாங்கம் எச்சரித்ததைத் தொடர்ந்து, பசுபிக் தீவு நாடுகளை இணைக்கும் ஒரு துணைக் கடல் கேபிள் அகற்றப்பட்டது.