ஜல்லிக்கட்டு போட்டியில் காளை முட்டியதில் மூவர் பலி!

ஜல்லிக்கட்டு போட்டியில் காளை முட்டியதில் மூவர் பலி!


தமிழ் நாட்டில் இருவேறு இடங்களில் இடம்பெற்ற மஞ்சு விரட்டு மற்றும் ஜல்லிக்கட்டு போட்டிகளின் போது பார்வையாளர்கள் மூவர் காளை முட்டியதில் உயிரிழந்துள்ளனர்.

தமிழகம் – சிவகங்கை மாவட்டம் சிராவயலில் இடம்பெற்ற மஞ்சுவிரட்டு நிகழ்வில் பார்வையாளர்களை காளைகள் முட்டியதால் 70 பேர் வரையில் காயமடைந்துள்ளனர்.

இவர்களில் இருவர் உயிரிழந்துள்ளதாக தெரிவிக்கப்படுகின்றது. குறித்த நிகழ்வில் 77 காளை மாடுகள் கலந்துகொண்டன. பெரும் பாதுகாப்புக்கு மத்தியிலேயே இந்த நிகழ்வு இடம்பெற்றதாக தெரிவிக்கப்படுகின்றது.

குறித்த சம்பவம் தொடர்பில் நாச்சியாபுரம் பொலிஸார் விசாரணைகளை மேற்கொண்டு வருகின்றனர்.

இதேவேளை, திருச்சி மாவட்டம், மணப்பாறை அருகில் உள்ள பாலக்குறிச்சி என்ற இடத்தில் இடம்பெற்ற ஜல்லிக்கட்டு போட்டியின் போது பார்வையாளர் ஒருவர் காளை முட்டி உயிரிழந்தார்.

மேலும், இதன் போது 70 பேர் வரையில் காயமடைந்துள்ளதாகவும், இவர்கள் வைத்தியசாலையில் அனுமதிக்கப்பட்டுள்ளதாகவும் தெரிவிக்கப்படுகின்றது.

கருத்துக்களேதுமில்லை

உங்கள் கருத்தை சொல்லுங்கள்