பணமென்றால் சட்டத்தையே மாற்றும் கிளிநொச்சி போக்குவரத்து பொலிஸ்

கிளிநொச்சிப் போக்குவரத்து பொலிசார் லஞ்சம் பெற்றுக்கொண்டு சட்டத்தையே மாற்றுவதாக தெரிவிக்கப்படுகிறது

கிளிநொச்சி முருகானந்தா கல்லூரிக்கு அண்மையில் பாதுகாப்புக் கடமைக்காக நின்ற கிளிநொச்சி பொலிஸ் நிலைய போக்குவரத்துப் பொலிசார், சாரதி அனுமதிப்பத்திரம் இன்றி சென்ற ஒருவரை இடைமறித்துள்ளனர். சாரதி அனுமதிப்பத்திரம் இன்றி பயணித்தால் நீதிமன்றம் செல்லவேண்டும் இதற்கு கூடிய அளவு பணம் செலுத்த வேண்டும் என நீண்டநேரம் மறித்த நபரை வைத்திருந்த பொலிசார்

உங்களுக்கு ஒரு உதவி மட்டும் செய்யலாம் ஆயிரம் ரூபாய் காசு தாருங்கள் வேறு ஒருவரின் சாரதி அனுமதிப்பத்திரத்திற்கு சிறிய குற்றம் ஒன்றை எழுதித்தருவதாக தெரிவித்துள்ளனர்

பின்னர் ஆயிரம் ரூபாவினைப் பெற்றுக்கொண்ட குறித்த பொலிசார் வேறு சாரதியின் நண்பர் ஒருவரின் சாரதி அனுமதிப்பத்திரத்துக்கு தலைக்கவசம் இன்றிப் பயணித்தமை என்று 500 ரூபாய்க்கான போலி குற்றச்சாட்டினை எழுதி உள்ளனர்

இவ்வாறு பொலிசார் பணம் பெற்றுக்கொண்டே பாரிய குற்றச் செயல்களுக்கும் உடந்தையாக உள்ளனர். பரந்தன் சந்தியில் இருந்து வெளிக்கண்டல் பாலம்வரையான பிரதான வீதியில் கடமையில் நிற்கின்ற போக்குவரத்துப் பொலிசார் குறித்த பகுதிகளில் மட்டும் நாள் ஒன்றுக்கு பலரிடம் இலஞ்சம் வாங்குவதாக பிரதேச வாசிகள் குற்றம் சுமத்துகின்றனர்

அத்துடன் சாரதி அனுமதிப்பத்திரம் இல்லாது பயணித்தவரின் நண்பரின் சாரதி அனுமதிப்பத்திரத்திற்கு இலஞ்சம் வாங்கிக்கொண்டு தண்டம் எழுதும் காட்சி கையடக்கத் தொலைபேசிக் கமராவில் பதிவாகியுள்ளமை குறிப்பிடத்தக்கது.

கருத்துக்களேதுமில்லை

உங்கள் கருத்தை சொல்லுங்கள்