ஸ்கந்தாவின் 125 ஆவது ஆண்டு நிறைவில் ரணிலுடன் மாவை, சித்தர், சரா பங்கேற்பு!

யாழ்ப்பாணத்திற்கு விஜயம் மேற்கொண்டுள்ள பிரதமர் ரணில் விக்கிரமசிங்க, சுன்னாகம் ஸ்கந்தவரோதயா கல்லூரியின் 125 ஆவது ஆண்டு நிறைவு தின விழாவில் பிரதம விருந்தினராக கலந்துகொண்டு சிறப்பித்துள்ளார்.

இன்று (திங்கட்கிழமை) காலை பாடசாலைக்கு வருகை தந்த பிரதமரை மங்கள வாத்தியங்கள் முழங்க, பாடசாலை மாணவர்களின் நடன நிகழ்வுகளுடன் பிரதான மண்டபத்திற்கு அழைத்துச் சென்றுள்ளனர். பின்னர் தமிழ் மொழியில் தேசிய கீதமும் பாடசாலை கீதமும்  இசைக்கப்பட்டன.

அதனைத் தொடர்ந்து, 58 மில்லியன் ரூபாய் நிதியில், பாடசாலைக்கான கேட்போர் கூடத்திற்கான அடிக்கல்லினை பிரதமர் நாட்டி வைத்ததுடன், பெயர்ப்பலகை திரை நீக்கமும் செய்து வைத்தார்.

குறித்த நிகழ்வில், கல்வி இராஜாங்க அமைச்சர் விஜயகலா மகேஸ்வரன், தமிழ் தேசிய கூட்டமைப்பின் நாடாளுமன்ற உறுப்பினர்களான மாவை சேனாதிராஜா, தர்மலிங்கம் சித்தார்த்தன், ஈ.சரவணபவன், ஐக்கிய தேசிய கட்சியின் உறுப்பினர்கள், பாடசாலை மாணவர்கள் மற்றும் பெற்றோர்கள் எனப் பலரும் கலந்துகொண்டனர்.

கருத்துக்களேதுமில்லை

உங்கள் கருத்தை சொல்லுங்கள்