அதிகாரங்களை இலங்கை அரசு வழங்கியிருந்தால் இன்று வடக்கு கிழக்கு அபிவிருத்தி அடைந்ததிருக்கும் -சிவஞானம் சிறிதரன்

விடுதலைப்புலிகளால் வழங்கப்பட்ட இடைக்காலத் தன்னாட்சி அதிகாரசபைக்கு  அதிகாரங்களை இலங்கை அரசு வழங்கியிருந்தால்  இன்று வடக்கு கிழக்கு அபிவிருத்தி அடைந்த ஒரு பிரதேசமாகவும் சுயநிறைவு பொருளாதாரத்தை கட்டியமைத்த ஒரு தேசமாகவும் மிளிர்ந்திருக்கும் என பாராளுமன்ற உறுப்பினர் சிவஞானம் சிறிதரன் அவர்கள் தெரிவித்துள்ளார்
இன்று வறணி இடைக்குறிச்சி  பகுதியில் பனை சார் உற்பத்திப் பொருட்களுக்கான ஒரு சேவை நிலையத்தை திறந்து வைக்கும் நிகழ்வில் கலந்து கொண்டு உரையாற்றும் போதே பாராளுமன்ற உறுப்பினர் மேற்கண்டவாறு தெரிவித்துள்ளார்.
நாம் இன்று சிறிய சிறிய
விடயங்கள் தொடர்பாகவே கருசனை கொள்கின்றோம் ஆனால் எமது இனத்தின் விடுதலைக்காக ஒரு சந்ததி போராடியிருக்கின்றனர் .தமது உயிர்களை  தியாகம்  செய்திருக்கின்றனர்  அந்த  வரலாறுகளை நாம் மறந்து விடுகின்றோம்  அத்துடன்
நாங்கள் ஒரு நிலையான அரசியல் தீர்வை  பெற்றுக்கொள்ள வேண்டுமாக இருந்தால் ஒற்றுமையுடன் பயணிக்க வேண்டும் ஆனால் தற்போது எமது இனத்தினுடைய ஒற்றுமையை சிதைப்பதற்காக பல்வேறுபட்ட தரப்பினர் முயற்சி மேற்கொண்டு வருகின்றனர் ஆகவே அனைவரும் அவதானமாக இருந்து எமது இனத்தின் எதிர்கால நலனையும் கருத்தில் கொண்டு ஒரு நிலையான அரசியல் தீர்வை எய்துவதற்காக ஓரணியில் பயணிக்க வேண்டும் என குறிப்பிட்டார்.
குறித்த நிகழ்வு வரணி இடைக்குறிச்சி சனசமூக நிலைய செயலாளர் சாந்தன் தலைமையில் இடம் பெற்றது இந்த நிகழ்விற்கு பாராளுமன்ற உறுப்பினருடன் பச்சிலைப்பள்ளி பிரதேச சபை தவிசாளர்  சுப்பிரமணியம் சுரேன் சாவகச்சேரி பிரதேச சபையின்  உப தவிசாளர் மயூரன் பச்சிலைப்பள்ளி பிரதேச சபையின் உப தவிசாளர் கயன் உறுப்பினர்கள் ரமேஸ், வீரவாகுதேவர் அதிபர்கள் சனசமூக நிலைய பிரதிநிதிகள் பொதுமக்கள் என பலரும்  கலந்துகொண்டனர்

கருத்துக்களேதுமில்லை

உங்கள் கருத்தை சொல்லுங்கள்