பிரதமர் பதவியே அதிக அதிகாரங்களை கொண்டது என்ற கருத்து பொய்யானது – சம்பிக்க

பிரதமர் பதவியே அதிக அதிகாரங்களை கொண்டது என்ற கருத்து பொய்யானது என அமைச்சர் பாட்டளி சம்பிக்க ரணவக்க தெரிவித்துள்ளார்.

அனுராதபுரத்தில் இடம்பெற்ற நிகழ்வொன்றில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

இதன்போது அங்கு தொடர்ந்தும் கருத்து வெளியிட்ட அவர், ‘அரசாங்கத்தின், நிர்வாகத்தின், அமைச்சரவையின் மற்றும் முப்படையின் தலைவராக எதிர்காலத்திலும் ஜனாதிபதி செயற்படுவார்.

இம்முறை ஜனாதிபதி தேர்தலில் வெற்றிப் பெறும் நபருக்கு, எதிர்வரும் பொதுத் தேர்தலில் 113 க்கும் அதிக பெரும்பான்மையை கொண்ட அரசாங்கம் ஒன்றினை அமைக்க முடியும்.

நாம் மீண்டும் நாட்டில் ஒரு தீர்க்கமான நிகழ்வை எதிர்கொண்டுள்ளோம். ஜனாதிபதித் தேர்தல் நவம்பர் 16 ஆம் திகதி நடைபெறவுள்ளது. இந்த ஜனாதிபதி பதவி பயனற்றது என்று சிலர் கூறுகிறார்கள்.

கடந்த 1977 ஆம் ஆண்டுக்கு முன்பு இருந்த கொபல்லாவ அவர்களின் ஜனாதிபதி பதவி போன்றது என்று சிலர் கூறுகின்றனர்.

அதன் காரணமாக பிரதமர் பதவியே அதிக அதிகாரங்களை கொண்டது என்ற கருத்து கூறப்படுகின்றது. இது முற்றிலும் பொய்யான கருத்து.

அரச தலைவராகவும், நிர்வாகத் தலைவராகவும், அமைச்சரவையின் தலைவராகவும் மற்றும் முப்படைகளின் தலைவராகவும் ஜனாதிபதியே இன்னும் காணப்படுகின்றார்’ எனக் குறிப்பிட்டுள்ளார்.

கருத்துக்களேதுமில்லை

உங்கள் கருத்தை சொல்லுங்கள்