இந்தியாவிடம் இருந்து இலங்கைக்கு மேலும் ஆதரவு

இந்திய வெளிவிவகார அமைச்சர் எஸ். ஜெய்சங்கரின் இலங்கைக்கான விஜயம் நாட்டின் கடன் மறுசீரமைப்புக்கு சாதகமாக அமையும் என எதிர்பார்க்கப்படுவதாக இந்தியாவின் த ஹிந்து பத்திரிகை தெரிவித்துள்ளது.

தற்போதைய பொருளாதார நெருக்கடியில் இலங்கைக்கு ஆதரவளிப்பதே இந்திய வெளிவிவகார அமைச்சரின் விஜயத்தின் முதன்மை நோக்கம் என இந்திய அரசாங்க வட்டாரங்களை மேற்கோள்காட்டி த ஹிந்து பத்திரிகை குறிப்பிட்டுள்ளது.

இரண்டு நாள் பயணத்தின் போது, ​​எரிசக்தி பாதுகாப்பு, உணவுப் பாதுகாப்பு, தற்போதைய மாற்று விகித கடன் வசதிகள் மற்றும் கடன் மறுசீரமைப்பு ஆகியவற்றில் இரு தரப்பினரும் கவனம் செலுத்துவார்கள் என குறிப்பிடப்பட்டுள்ளது.

கடந்த ஆண்டு இந்தியா வழங்கிய ஆதரவைத் தொடர்ந்து, இலங்கையின் தேவைகளுக்கு சாதகமான பதிலை வழங்க இந்தியா எதிர்பார்ப்பதாக அதில் குறிப்பிடப்பட்டுள்ளது.

கடந்த ஆண்டு, அத்தியாவசியப் பொருட்களைக் கொள்வனவு செய்வதற்காக பரிமாற்றங்கள் உட்பட சுமார் 4 பில்லியன் டொலர்களை இந்தியா இலங்கைக்கு கடன் வசதிகளை வழங்கியது.

பொருளாதார நெருக்கடியிலிருந்து விடுபட, சர்வதேச நாணய நிதியத்திடம் இருந்து நீடிக்கப்பட்ட கடன் தொகையைப் பெறுவதற்கு, இலங்கைக்கு இந்தியாவிடமிருந்து கடன் உத்தரவாதத்தை எழுத்துப்பூர்வமாக வழங்குவது அவசியம் என்பதை இந்திய அரசு புரிந்துகொண்டுள்ளதாகவும் குறிப்படுப்பட்டுள்ளது.