ரஞ்சன் அமெரிக்காவில் இருந்து வருகை: ஏழை குழந்தைகளுக்கு மடிக்கணினிகள், ஆடைகள் கொண்டு வந்ததாக தெரிவிப்பு

சிரேஷ்ட திரைப்பட நடிகரும், முன்னாள் பாராளுமன்ற உறுப்பினருமான ரஞ்சன் ராமநாயக்க அமெரிக்க பயணத்தை முடித்துக் கொண்டு இன்று காலை கட்டுநாயக்க சர்வதேச விமான நிலையத்தை வந்தடைந்தார்.

செய்தியாளர்களிடம் பேசிய அவர், தனது அமெரிக்க சுற்றுப்பயணத்தின் போது பல இசை நிகழ்ச்சிகள் நடத்தப்பட்டதாகவும், நமது நாட்டின் ஏழைக் குழந்தைகளுக்கு வழங்குவதற்காக மடிக்கணினிகளை கையிருப்பில் வாங்கியதாகவும் தெரிவித்தார்.

இசை நிகழ்ச்சிகளில் சம்பாதித்த பணத்தில் மடிக்கணினிகளை கொள்வனவு செய்ததாகவும் அவர் தெரிவித்துள்ளார்.

“சில கோடீஸ்வரர்கள் நம் நாட்டின் ஏழைக் குழந்தைகளுக்காக மடிக்கணினிகள் மற்றும் ஏராளமான ஆடைகளை நன்கொடையாக வழங்கினர். மடிக்கணினிகள் மற்றும் துணிகள் அனைத்தும் ஒரு கொள்கலனில் நாட்டிற்கு வரும் என்றும் அவர் குறிப்பிட்டுள்ளார்.

இப்போது, ​​தான் பிணைப்புகள் இல்லாத சுதந்திரமான மனிதன் எனவும் குறிப்பிட்டுள்ளார்.

“இந்த நன்கொடைகளை ஏழை குழந்தைகளுக்கு பகிர்ந்தளிப்பதன் மூலம் எதிர்காலத்தில் சமூக சேவை நடவடிக்கைகளில் ஈடுபடுவேன் என நம்புகிறேன்” என்றும் தெரிவித்துள்ளார்.