மட்டக்களப்பு மாநகரசபையினால் வெள்ள நீரிணை வெளியேற்றும் பணிகள் முன்னெடுப்பு

நாட்டில் நிலவும் சீரற்ற காலநி லையின் காரணமாக மட்டக்களப்பு மாநகர சபையின் நிர்வாக எல்லைக்குட்பட்ட பிரதேசங்களில் வெள்ள நீரிணை வெளியேற்றும் பணிகள் தொடர்ந்தும் முன்னெடுக்கப்பட்டு வருகின்றன.

மட்டக்களப்பு மாநகர முதல்வர் தி.சரவணபவன் அவர்களின் பணிப்புரைக்கு அமைய, மாநகர சபையின் அனர்த்த அபாயக் குறைப்பு மற்றும் முன்னாயத்த நிலையியற் குழுவினால் முன்னெடுக்கப்பட்டு இப்பணிகளில் பிரதி முதல்வர் க.சத்தியசீலன், மாநகர ஆணையாளர் மா.தயாபரன், அனர்த்த அபாயக் குறைப்பு நிலையியற் குழுவின் தலைவர் த.இராஜேந்திரன் உள்ளிட்ட  மாநகர சபையின் உறுப்பினர்கள் பலரும் ஈடுபட்டனர்.

அத்துடன் பொது மக்களும், பிரதேச இளைஞர்களும் இப்பணிகளுக்கு ஒத்துழைப்புகளை வழங்க வேண்டும் என்றும் கேட்டுக் கொண்டார்.