இன்று தொடக்கம் அத்தியாவசிய பொருட்கள் பலவற்றின் விலை குறைப்பு – (முழு விபரம் )

February 8th, 2021 அன்று பிரசுரிக்கப்பட்டது.

அரசாங்க தீர்மானத்தின்படி 27 அத்தியவாசிய பொருட்களின் விலைகளை இன்று முதல் குறைப்பதற்கு நடவடிக்கை எடுக்கப்பட்டுள்ளதுடன் நாட்டு மக்களின் நலன் கருதி பல்பொருள் அங்காடிகள் உள்ளிட்ட பாரிய அத்தியாவசியப் பொருள் விற்பனை நிலையங்கள இந்த விலைக்குறைப்பை பின்பற்ற முடியும் என வர்த்தக அமைச்சர் பந்துல குணவர்தன தெரிவித்துள்ளார்.

இது தொடர்பில் மேலும் தெரிவித்த அமைச்சர்,

மக்களின் வாழ்க்கைச் சுமையை குறைக்கும் வகையில் மேற்படி விற்பனை நிறுவனங்கள் மக்களுக்கு சலுகை வழங்குமானால் அதனை வரவேற்கின்றோம்.

அரிசி, மா, பருப்பு, சீனி உள்ளிட்ட 27 பொருட்கள் மூன்று மாதங்களுக்கு விலைக் குறைப்பு செய்ய அரசாங்கம் தீர்மானித்துள்ள நிலையில் அவற்றை சதொச, கூட்டுறவு விற்பனை நிலையம் மற்றும் கியூசொப் ஆகியவற்றில் கொள்வனவு செய்ய முடியும்.

அதற்கிணங்க 106 ரூபாவாக இருந்த சிவப்பு பச்சை அரிசி 93 ரூபாவுக்கும் 105 ரூபாவாக இருந்த வெள்ளைப் பச்சை அரிசி 93 ரூபாவாகவும் 109 ரூபாவாக இருந்த நாட்டரிசி 96 ரூபாவாகவும் 120 ரூபாவாக இருந்த சம்பா அரிசி 99 ரூபாவாகவும் நாளை முதல் விலைக்குறைப்பு செய்யப்பட்டு விற்கப்படும் என்றும் அமைச்சர் தெரிவித்தார்.

விலைக் குறைப்பு செய்யப்படும் பொருட்களின் முழு விபரம் இதோ,

கீரி சம்பா 1kg : புதிய விலை 125 ரூபா – தற்போதைய விலை 140 ரூபா

கோதுமை மா 1kg : புதிய விலை 84 ரூபா – தற்போதைய விலை 105 ரூபா

வௌ்ளை சீனி 1kg : புதிய விலை 99 ரூபா – தற்போதைய விலை 110 ரூபா

சிகப்பு சீனி 1kg : புதிய விலை 125 ரூபா – தற்போதைய விலை 140 ரூபா

தேயிலை 100g : புதிய விலை 95 ரூபா – தற்போதைய விலை 130 ரூபா

பருப்பு அவுஸ்திரேலியா 1kg : புதிய விலை 165 ரூபா – தற்போதைய விலை 188 ரூபா

பெரிய வெங்காயம் இந்தியா 1kg : புதிய விலை 120 ரூபா – தற்போதைய விலை 140 ரூபா

உருளைக்கிழங்கு உள்நாடு 1kg : புதிய விலை 180 ரூபா – தற்போதைய விலை (216 – 220) ரூபா

உருளைக்கிழங்கு பாகிஸ்தான் 1kg : புதிய விலை 140 ரூபா தற்போதைய விலை 190 ரூபா

கடலை 1kg : புதிய விலை 175 ரூபா – தற்போதைய விலை 225 ரூபா

காய்ந்த மிளகாய் 1kg : புதிய விலை 495 ரூபா – தற்போதைய விலை 550 ரூபா