காபியில் கொஞ்சம் எலுமிச்சை சாறு கலந்து குடிச்சா உடம்பில் இந்த அற்புதம் நடக்குமாம்…

​காபியும் உடல் எடையும்

பொதுவாக, எடை குறைக்க முயற்சிக்கும் மக்களுக்கு காபி நல்லது தான்.

ஆனால் இங்கு நான் குறிப்பிடுவது கருப்பு காபியை (black coffee), நாம் வழக்கமாக பால் மற்றும் சர்க்கரையுடன் சேர்த்து குடிக்கும் காபியை அல்ல.

எடை இழப்புக்கு பரிந்துரைக்கப்படும் ஏராளமான உணவுகளில் கருப்பு காபியும் ஒன்று.

இந்த கட்டுரையில், எடை இழப்புக்கு சிறந்ததாக கருதப்படும் மற்றொரு சிறந்த கலவையையும் நாம் பார்க்க போகிறோம். அது காபி மற்றும் எலுமிச்சை கலந்த கலவை ஆகும்.

​எலுமிச்சை சாறுடன்…

எடை இழப்புக்கு காபி மற்றும் எலுமிச்சை இரண்டும் சிறந்ததாக கருதப்படுகின்றன. ஆனால், இப்போது வரை நீங்கள் இவற்றை தனித்தனியாகப் பயன்படுத்தியிருக்கலாம்.

பெரும்பாலான மக்கள் எலுமிச்சை மற்றும் காபி கலந்த கலவையை குடிக்கிறார்கள், இது எடை இழப்பு செயல்முறையை வேகமாக நடை பெற வைக்கும் என்றும் நம்புகிறார்கள்.

காபியில் காஃபின், தியோபிரோமைன், தியோபிலின் மற்றும் குளோரோஜெனிக் அமிலங்கள் போன்ற உயிரியல் ரீதியாக செயல்படும் சேர்மங்கள் உள்ளன, அவை எடை இழப்பை அதிகரிக்கும் என்று கூறப்படுகிறது. மேலும், இது உடலின் ஆற்றல் வடிவத்தில் பயன்படுத்தப்படும் கொழுப்பு செல்களை உடைத்து, எடை இழப்பு செயல்முறையை மேலும் துரிதப்படுத்துகிறது.

​எலுமிச்சையின் நன்மைகள்

எலுமிச்சை சாறு வளர்சிதை மாற்றத்தை அதிகரிக்க உதவுகிறது. அதனால்தான் தினமும் காலையில் எலுமிச்சை நீரை குடிக்க வேண்டும் என்று கூறுகிறார்கள். இது உடலில் இருந்து தேவையற்ற நச்சுகள் மற்றும் கழிவுகளை வெளியேற்ற உதவும்.

இது கல்லீரலில் பித்த சாறு உற்பத்தி செய்ய உதவுகிறது. இது மேலும் செரிமானம் மற்றும் நச்சுத்தன்மையை வெளியேற்றுவதில் உதவுகிறது.

​எப்படி வேலை செய்யும்?

எலுமிச்சை மற்றும் காபி கலவையை காலையில் குடிப்பது தொப்பை கொழுப்பைக் குறைக்க உதவும் என்றும் இதனால், எடை குறைக்கும் செயல் முறையை துரிதப்படுத்தலாம் என்றும் நம்பப்படுகிறது.

இருப்பினும், இந்த கூற்றை அறிவியல் ஆதரிக்கவில்லை. கலவையில் அதிக அளவு ஆன்டிஆக்ஸிடன்ட் உள்ளது, இது அதிகப்படியான ஃப்ரீ ரேடிக்கல்களின் தீங்கு விளைவிக்கும் விளைவுகளிலிருந்து நம் உடலைப் பாதுகாக்கிறது.

​எப்படி தயாரிப்பது?

ஒரு கப் சூடான நீரில் அரை டீஸ்பூன் காபி பொடியை கலந்து வைக்கவும் அல்லது கொதிக்க வைத்து வடிகட்டிக்கொள்ளவும். பின்னர், அதில் அரை டீஸ்பூன் எலுமிச்சை சாறு போட்டு நன்றாக கலக்கவும்.

இதை எப்போது குடிக்க வேண்டும்:

இந்த கலவையை உடற்பயிற்சி செய்வதற்கு குறைந்தது 30 நிமிடங்களுக்கு முன் குடிப்பது மிக நல்லது.